網紅的藏寶箱尋晚我叫哈士彬快啲諗吓愛的宣言。
佢竟然叫我寫，我R爆曬個頭，反問佢：唔係你寫㗎咩？
佢又問返我：我見人哋都係老婆寫嘅？
我又問返佢：果啲不平等條約？割地賠款？你啲錢係我啲錢、我啲錢都係我啲錢？你出份糧入我户口？你洗衫、你煮飯、你洗碗？
佢呆一呆：咁你哋啲女人鍾意呀嘛。
我秒覆：鍾意還鍾意，真心先得㗎。
佢堅持：你真係唔寫？
我堅持：唔寫。
然後佢悻悻然咁擰轉身，拎起部電話，我以為佢打字，點知瞄到佢打機，我係咪要準備好一份宣言以防佢真係唔小心咁唔記得咗打佢份愛的宣言？急，線上等。
#愛的宣言唔係誓詞
#網上面無得照抄
#佢咁識講嘢都唔肯自己嚟
#最後直路又遇到難題
#呢個宣言係咪一定要有
#唔講都得㗎嘛我估
#但早拍晚播係咪都要有嘢播
Search